Plant Protection Laboratory, Sundarpur, Kanchanpur, Nepal

January 21, 2016

उद्देश्य

कृषिको सघनीकरण तथा विविधीकरणमार्फत दिगो उत्पादन र उत्पादकत्व वृद्धि गर्ने राष्ट्रिय लक्ष्य प्राप्तिका लागि बाली शत्रुहरूको समुचित व्यवस्थापन गर्दै एकीकृत शत्रुजीव व्यवस्थापन (IPM) पद्धतिको व्यापक प्रयोग गर्ने।
जीवनाशक विषादी व्यवस्थापन ऐन, २०७६ तथा नियमावली, २०८१ को परिधिभित्र रही विषादीको सुरक्षित प्रयोग र व्यवस्थापनसम्बन्धी जनचेतना अभिवृद्धि गर्ने।
कृषकहरूको सहभागितामा जैविक विषादीको प्रभावकारिता अध्ययन गरी रोग तथा कीरा व्यवस्थापनमा यसको प्रयोगलाई प्रवर्द्धन गर्ने।
प्रयोगशालामा एन्टोमोपाथोजेनिक निमाटोड उत्पादन गरी कृषकस्तरमा परीक्षण तथा वितरण गर्ने।
बालीमा आकस्मिक रूपमा देखिने रोग तथा कीराहरूको पहिचान गरी प्रदेश तथा जिल्ला स्तरबाट नियन्त्रण तथा व्यवस्थापनमा सहयोग गर्ने।
बाली शत्रु तथा मित्र कीराहरूको सर्वेक्षण/सर्भेलेन्स गरी सुदूरपश्चिम प्रदेशका जिल्लाहरूको प्रभाव नक्सा (Pest Map) तयार गर्ने तथा कृषकहरूलाई आवश्यक तालिम र प्रदर्शन कार्यक्रम सञ्चालन गर्ने।
बाली संरक्षणसम्बन्धी नीति निर्माणमा नेपाल सरकार तथा सुदूरपश्चिम प्रदेश सरकारलाई आवश्यक प्राविधिक सहयोग उपलब्ध गराउने।

रणनीति

बाली संरक्षण कार्यक्रमलाई सुदूरपश्चिम प्रदेशका जिल्लाहरूको उत्पादन कार्यक्रमसँग आवद्ध गर्ने।
जिल्लामा देखिने रोग तथा कीराको प्रकोप न्यूनीकरणका लागि सर्वेक्षण, सर्भेलेन्स, आकस्मिक बाली संरक्षण सेवा तथा नियन्त्रण अभियान सञ्चालन गर्ने।
खाद्यान्न तथा तरकारी उत्पादन क्षेत्रहरूमा एकीकृत शत्रुजीव व्यवस्थापन (IPM) कार्यक्रमलाई पकेट क्षेत्रका कार्यक्रमसँग आवद्ध गरी कार्यान्वयन गर्ने।
विषादी प्रयोगलाई न्यूनीकरण गर्न जीवनाशक विषादी ऐन तथा नियमावलीको पूर्ण पालना गर्दै सुरक्षित प्रयोगसम्बन्धी कार्यक्रम सञ्चालन गर्ने।